今次要介紹嘅地點係永利音樂噴泉，平日所見噴泉附近幾乎清一色旅客，可能本地人較少留意吧。希望透過今次嘅相，令大家都會欣賞水嘅美妙。
雖然表演湖唔算好大，但係燈光，音樂，色彩，水柱同火焰嘅配合下，可以話係世界級水準。（當然同Las Vegas仲有一段距離啦，我諗...）
如果得閒嘅話，不妨去感受下音樂噴泉嘅震憾啦！我絕對高度推介呢到比大家。
其實呢輯相早係今年4~5月期間已經影好左，但果時未開Blog，所以都未得閒分享。今次主要分享下水柱造成嘅有趣圖案（可能要運用下你地嘅想像力）。基本上都係正面影，下次希望可以從其他角度欣賞。
呢張係我其中一張最鐘意嘅作品，同時係出現率最少（一晚好似得一次）加最快消失（唔夠半秒）嘅圖案。
