前言:
由中學到依家大學，原來我係澳門唔經唔覺已經住左差唔多9年啦！回想一下，除左番學必經路，屋企，同埋飲飲食食嘅地方之外，其實我對呢個城市都冇乜認識。
但係自從接觸攝影之後，我開始留意澳門嘅每一吋土地，每一分嘅變化，亦都愛上左步行。（好似有啲誇張）
而開始呢個計劃嘅原因係想令自己繼續有動力去發掘澳門嘅唔同地方，作為一種紀錄又好，回憶又好，總知就好想去做。希望最少一星期可以update一篇。
如果大家有地方提議嘅，可以係呢道講低，我會嘗試去影下。
另外，當局者迷，旁觀者清，請狠狠咁屌我啲相啦，我想了解自已嘅不足。
巴打們如果鐘意嘅可以pm地址比我同話比我知你想要邊張, 之後我再寄一張明信片比你
有興趣可以folloｗ我嘅
-------------------------------------------------
成日聽人講颱風黎之前嘅日出日落會特別靚，於是我就試下啦。當我到達黑沙嘅時候，突然落好大雨，心諗今日都白果，我係咪黑成咁... 好彩嘅係日出嘅時候細雨左好多，咁我就拎住把遮同腳架影相啦。
落到沙灘, 難得有個前景冇理由唔用架
望向東方(其他地方仍然一片烏雲)
亭上面嘅黑影其實係救生員, 應該幾好訓
一條魚同海鰻(好似係)嘅雕塑，以前都留意唔到 (定係新整呢?)
行到沙灘盡頭，有好多巨石，石入面有好多不知明嘅昆蟲，影完就急步離開了
今次嘅日出天氣唔係太好，唯有下次再戰吧。
沒有留言:
張貼留言