澳門國際機場，基本上每個本地人都知道它在哪裏，
第一次來的時候還是下着雨的，相當狼狽。
2014年9月8日 星期一
2014年8月1日 星期五
澳門明信片計劃 永利音樂噴泉多面睇
今次要介紹嘅地點係永利音樂噴泉，平日所見噴泉附近幾乎清一色旅客，可能本地人較少留意吧。希望透過今次嘅相，令大家都會欣賞水嘅美妙。
雖然表演湖唔算好大，但係燈光，音樂，色彩，水柱同火焰嘅配合下，可以話係世界級水準。（當然同Las Vegas仲有一段距離啦，我諗...）
如果得閒嘅話，不妨去感受下音樂噴泉嘅震憾啦！我絕對高度推介呢到比大家。
其實呢輯相早係今年4~5月期間已經影好左，但果時未開Blog，所以都未得閒分享。今次主要分享下水柱造成嘅有趣圖案（可能要運用下你地嘅想像力）。基本上都係正面影，下次希望可以從其他角度欣賞。
呢張係我其中一張最鐘意嘅作品，同時係出現率最少（一晚好似得一次）加最快消失（唔夠半秒）嘅圖案。
2014年7月20日 星期日
大浪西灣遊記 尋星與日出
7月初嘅時候，我去左香港過左充實嘅一星期。其中印象最深刻嘅就係去左大浪西灣影相。
有別於平時我自己一個週圍走，今次我係同一班住係香港嘅攝影朋友一齊去。平時只可以葡萄，今次終於有機會一齊去，心情自然非常興奮，當然亦都要多謝佢地帶路我先去到一個咁靚嘅地方。
路程： MTR＞ 彩虹（小巴）＞ 西貢（的士）＞ 西灣亭（步行）＞ 大浪西灣（到達）
注意一定要帶夠水（＞1000ml）！！！另外沙灘會比較潮濕，記得帶袋保護器材
到步後舉高個頭一望，好似比星星包圍住咁。呢一刻嘅感覺唔識點形容，呢樣係澳門冇可能見到嘅，因為光害真係誇張到你唔信！
2014年7月19日 星期六
澳門明信片計劃 氹仔石灘日落篇
今次要為大家介紹嘅地方就係氹仔石灘，由澳門嘅舊橋／西灣橋出發，一落橋就見到。
呢個石灘其實係一個影日落嘅熱門地方，但好多人只會係石灘旁嘅圍欄後影，所以我今次就試下落去石灘到影。（記得注意安全，上落石灘嘅時候始終有危險性）
Ps: 其實呢一日我５點幾先醒，果時仲係到尤疑緊出唔出去好，最後見咁好天當然出去囇下部相機啦（利申：冇防潮箱）
大家有興趣可以folloｗ我嘅Page: https://www.facebook.com/shinodaphoto
石灘對出嘅景色，可以望到兩條大橋。望向對岸，好多建築物都係賭場酒店。
2014年7月17日 星期四
澳門明信片計劃 黑沙海灘日出篇
前言:
由中學到依家大學，原來我係澳門唔經唔覺已經住左差唔多9年啦！回想一下，除左番學必經路，屋企，同埋飲飲食食嘅地方之外，其實我對呢個城市都冇乜認識。
但係自從接觸攝影之後，我開始留意澳門嘅每一吋土地，每一分嘅變化，亦都愛上左步行。（好似有啲誇張）
而開始呢個計劃嘅原因係想令自己繼續有動力去發掘澳門嘅唔同地方，作為一種紀錄又好，回憶又好，總知就好想去做。希望最少一星期可以update一篇。
如果大家有地方提議嘅，可以係呢道講低，我會嘗試去影下。
另外，當局者迷，旁觀者清，請狠狠咁屌我啲相啦，我想了解自已嘅不足。
巴打們如果鐘意嘅可以pm地址比我同話比我知你想要邊張, 之後我再寄一張明信片比你
有興趣可以folloｗ我嘅
-------------------------------------------------
成日聽人講颱風黎之前嘅日出日落會特別靚，於是我就試下啦。當我到達黑沙嘅時候，突然落好大雨，心諗今日都白果，我係咪黑成咁... 好彩嘅係日出嘅時候細雨左好多，咁我就拎住把遮同腳架影相啦。
落到沙灘, 難得有個前景冇理由唔用架
訂閱：
文章 (Atom)